गोगटे-जोगळेकर महाविद्यालयात दशावतार प्रयोगात्मक कलाशिबिराचे आयोजन
मंत्री उदय सामंत यांच्या उपस्थितीत शिबिराचे उद्घाटन
रत्नागिरी : येथील गोगटे-जोगळेकर महाविद्यालयात येथे सांस्कृतिक कार्य विभाग व सांस्कृतिक कार्य संचालनालय आयोजित दशावतार प्रयोगात्मक कलाशिबिराला पालकमंत्री उदय सामंत यांनी उपस्थिती दर्शवली.
या सोहळ्यात दशावतारचे भीष्माचार्य म्हणून ओळखले जाणारे आणि महाराष्ट्र शासनाच्या लोककला पुरस्काराने सन्मानित यशवंत तेंडुलकर यांचा सन्मान करण्यात आला.
यावेळी बोलताना पालकमंत्री सामंत यांनी गोगटे-जोगळेकर महाविद्यालयाच्या आठवणींना उजाळा देत, या महाविद्यालयातून अनेक प्रतिभावान कलाकार घडावेत, अशी अपेक्षा व्यक्त केली. हा कार्यक्रम लोककला संवर्धनासाठी एक महत्त्वपूर्ण पाऊल असून, दशावतार संस्कृतीला नवा आयाम देणारा आहे, असे यावेळी सामंत यांनी म्हटले.
यावेळी गोगटे-जोगळेकर महाविद्यालयाचे प्राचार्य मकरंद साखळकर, सतीश शेवडे, शिवसेना जिल्हा प्रमुख राहुल पंडित, शहर प्रमुख बिपीन बंदरकर, तसेच मोठ्या संख्येने कोकणी कलाकार उपस्थित होते.
