नवोदय विद्यालय पडवे येथे जेएसडब्ल्यू सीएसआर फंडातून ३०० फॅन व इलेक्ट्रिक १० गिझर वाटप

राजापूर : तालुक्यातील पडवे येथे असलेल्या नवोदय विद्यालय पडवे येथे जेएसडब्ल्यू कंपनीच्या सीएसआर फंडातून येथील विद्यार्थ्यांची गैरसोय ओळखून पालकमंत्री उदय सामंत लांजा राजापूर विधानसभा मतदारसंघाचे आमदार किरण सामंत आणि रत्नागिरीचे प्रांताधिकारी जीवन देसाई यांच्या पाठपुराव्यानंतर ३०० फॅन आणि दहा इलेक्ट्रिक गिझर सुपूर्त करण्यात आले. हा कार्यक्रम आमदार किरण सामंत यांच्या उपस्थितीत संपन्न झाला.

केंद्रातील जिल्हास्तरीय असणारे राजापूरमधील नवोदय विद्यालय हे एकमेव विद्यालय आहे. या ठिकाणी मेरिटमधील विद्यार्थी चांगल्या दर्जाचे शिक्षण घेऊन उच्चस्तरावरती या तालुक्याचा आणि जिल्ह्याचे नाव भूषवत आहे. येथील विद्यार्थ्यांना गरम पाणीची गैरसोय होत असल्याने मुले आजारी पडत होती. त्याचप्रमाणे पंख्यांची कमतरता येथील निवासी विद्यार्थ्यांना होत होती. ही गरज ओळखून आमदार किरण सामंत यांनी जेएसडब्ल्यू यांच्या कंपनीच्या माध्यमातून हे फॅन आणि गिझर देण्याचा शब्द दिला होता. रत्नागिरीचे पालकमंत्री नामदार उदय सामंत यांच्याशी चर्चा झाल्यानंतर रत्नागिरीचे प्रांत जीवन देसाई यांनी या विषयाचा पाठपुरावा करून अखेर दिलेल्या शब्दाप्रमाणे त्यांना ३०० फॅन आणि दहा इलेक्ट्रिक गिझर नवोदय विद्यालयाच्या प्राचार्यांकडे सुपूर्त केले. या कार्यक्रमाच्या निमित्ताने आमदार किरण सामंत यांनी नवोदय विद्यालयाचे कौतुक केले येथील विद्यार्थी घडवण्यासाठी येथील शिक्षकांचे मेहनत पाहता त्यांचे करावे तेवढे कौतुक थोडे आहे , असेही ते सांगायला विसरले नाही. या नवोदय विद्यालयातून आयपीएस, आयएएस अधिकारी घडावेत आणि लांजा, राजापूरसह रत्नागिरी जिल्ह्याचे नाव उज्ज्वल करावे ही प्रामाणिकपणाची इच्छा असल्याचे मत त्यांनी व्यक्त केले. यावेळी नवोदय विद्यालयाच्या विविध समस्यांबाबत ही चर्चा करण्यात आली. या समस्या लवकरात लवकर पूर्ण करू, असा शब्दही यावेळेस त्यांनी दिला.

या कार्यक्रमाप्रसंगी लांजा, राजापूर विधानसभेचे आमदार किरण सामंत माजी शिक्षण सभापती विलास चाळके, जिल्हा नियोजन समिती सदस्य दीपक नागले, रवी नागरेकर आरडीसी बँकेचे संचालक मुन्ना खामकर, जेएसडब्ल्यू फाउंडेशनच्या संपदा धोपटकर, प्राचार्य एम. बसवराज, नायब तहसीलदार सरपरे, निलेश सुर्वे, निनाद अवसरे, बाबू अवसरे, जानवी गावकर, मनोज आडविलकर, राजन कोंडेकर, नंदू मिरगुले, दिनेश पवार यांच्यासह विद्यार्थी, शिक्षक, पालक मोठ्या संख्येने उपस्थित होते.