राष्ट्रीय आणि आंतरराष्ट्रीय योग पुरस्कारासाठी ३१ मार्चपर्यंत अर्ज करण्याचे आवाहन

रत्नागिरी : दुसऱ्या आंतरराष्ट्रीय योग दिनानिमित्त पंतप्रधान नरेंद्र मोदी यांनी राष्ट्रीय आणि आंतरराष्ट्रीय स्तरावरील योग पुरस्काराची घोषणा केली आहे. योगाचा प्रचार व प्रसार मोठ्या प्रमाणात व्हावा याकरिता योग विषयावर कार्य करणारे योगदान देणाऱ्या महत्त्वपूर्ण प्रभाव पाडणाऱ्या व्यक्ती, संस्था यांचा सन्मान करणेसाठी दरवर्षी प्रधानमंत्री योग पुरस्कार दिला जातो. केंद्रीय आयुष मंत्रालयामार्फत योग पुरस्कारासाठी अर्ज मागविण्यात येत आहेत. ऑनलाइन अर्ज सादर करण्याची शेवटची तारीख ३१ मार्च २०२५ आहे.

आयुष मंत्रालय, भारत सरकार यांनी २०२५ च्या पंतप्रधान योग पुरस्काराच्या प्रचार आणि प्रसारासाठी या प्रतिष्ठित पुरस्कारासाठी अर्ज मागवण्याची प्रक्रिया सुरू केली आहे. हे अर्ज MyGov portal द्वारे https://innovateindia.mygov.in/pm-yoga-awards-2025/ ऑनलाइन पद्धतीने ३१ मार्चपर्यंत सादर करावयाचे आहे. इच्छुक व्यक्ती, संस्थांनी My Gov Portal वरील लिंकवर ऑनलाईन पद्धतीने रास्त अर्ज सादर करावे, असे आवाहन रत्नागिरीचे जिल्हा शल्य चिकित्सक डॉ. भास्कर जगताप आणि जिल्हा परिषदेचे जिल्हा आरोग्य अधिकारी डॉ. अनिरुद्ध आठल्ये यांनी केले आहे.