रत्नागिरी : नगरपरिषद व नगरपंचायत निवडणूक कालावधीमध्ये जिल्ह्यात कुठेही कसल्याही प्रकारच्या जात, भाषा , धार्मिक शिबिरांच्या/ मेळाव्यांच्या आयोजनावर राज्य निवडणूक आयोगाकडील ४ नोव्हेंबर २०२५ रोजीच्या आदेशान्वये आचारसंहितेचा कालावधीमध्य निर्बंध घालण्याचे आदेश जिल्हादंडाधिकारी मनुज जिंदल यांनी दिले आहेत.
राज्य निवडणूक आयोगाने नगरपरिषद व नगरपंचायत निवडणूक २०२५ साठीचा कार्यक्रम ४ नोव्हेंबर रोजी घोषित केला आहे. त्याअनुषंगाने स्थानिक स्वराज्य संस्थांच्या सार्वत्रिक निवडणूका आदर्श आचारसंहितेबाबत संदर्भिय एकत्रित आदेश निर्गमित केलेले आहेत. त्यामुळे रत्नागिरी जिल्ह्यातील नगरपरिषद व नगरपंचायत निवडणूकीची संपूर्ण प्रक्रीया शांततेत, निर्भय व न्याय वातावरणात पार पाडण्याच्या दृष्टीकोनातुन जिल्ह्यात कसल्याही प्रकारचे जात/भाषा / धार्मिक शिबीरांचे / मेळाव्यांचे आयोजनावर मा. राज्य निवडणूक आयोगाकडील ४ नोव्हेंबर रोजीच्या आदेशान्वये जिल्हादंडाधिकारी मनुज जिंदल यांनी भारतीय नागरिक सुरक्षा संहिता २०२३ चे कलम १६३ अन्वये प्रदान करण्यात आलेल्या शक्तीचा वापर करून निर्बंध घातले आहेत. प्रत्येक इसमावर हे आदेश तामील करणे शक्य नसल्यामुळे हे एकतर्फी आदेश ध्वनी क्षेपकावर पोलीस विभागाने जाहीर करून प्रसिद्धी करावी, असेही आदेशात नमूद केले आहे.
