पूर्णगड जि. प. आदर्श शाळा नं. १ मध्ये विविध उपक्रम

रत्नागिरी : तालुक्यातील पूर्णगड जि .प आदर्श शाळा नं. १ मध्ये माजी विद्यार्थी संघ स्थापन झाला असून अध्यक्ष प्रकाश पवार, उपाध्यक्ष वासुदेव वाघे, कोषाध्यक्ष प्रमोद पावसकर यांची माजी विद्यार्थ्यांतून निवड करण्यात आली. यावेळी माजी विद्यार्थी विश्वासागर नार्वेकर, अमरनाथ नार्वेकर, सचिन चव्हाण, उपेंद्र हरचकर आदी माजी विद्यार्थी तसेच शाळा व्यवस्थापन समिती, पालक मोठ्या संख्येने उपस्थित होते. माजी विद्यार्थी संघामार्फत शाळेचा विकास करणे हे ध्येय समोर ठेवून विविध उपक्रम आयोजनाचे नियोजन करण्याचे ठरले. आपली शाळा विविध क्षेत्रात पुढे गेली पाहिजे यासाठी आम्ही सर्वतोपरी प्रयत्न करून असे आश्वासन वासुदेव वाघे यांनी सांगितले. यासाठी सर्व माजी विद्यार्थी यांना एकत्रित घेऊन काम करणार असल्याचे अध्यक्ष प्रकाश पवार यांनी सांगितले.

या माजी विद्यार्थी संघाला शाळेच्या मुख्याध्यापिका व केंद्रप्रमुख भारती तायशेटे, शिक्षिका पूर्वा वाकडे, भारती शिंगाडे, राजेंद्र रांगणकर, विशेष शिक्षिका तृप्ती शिरगावकर यांनी शुभेच्छा दिल्या. माजी विद्यार्थी संघाच्या निवडीबद्दल सर्व स्तरातून समाधान व्यक्त केले जात आहे.