रत्नागिरी : नगरपालिकेमार्फत शिवाजीनगर, चर्मालय स्टॉप, मजगांव रोड येथील स्मशानभूमीत प्रेतांचे दहन करण्यासाठी बसविण्यात आलेली गॅस शवदाहिनी २७ मेपासून पुढील आदेशापर्यंत बंद ठेवण्यात आली माहिती नगरपालिकेकडून प्रसिद्धीपत्रकाद्वारे देण्यात आली. गॅस शवदाहिनीमध्ये आवश्यक तांत्रिक दुरुस्ती आणि देखभाल कामे हाती घेण्यात येणार आहेत. दुरुस्तीची प्रक्रिया पूर्ण झाल्यानंतर ही सेवा पुन्हा सुरू करण्यात येणार असल्याचे प्रशासनाने स्पष्ट केले आहे.
दरम्यान, नागरिकांनी या निर्णयाची नोंद घ्यावी आणि पर्यायी व्यवस्था वापरावी, असे आवाहन रत्नागिरी नगरपालिकेचे मुख्याधिकारी यांनी केले आहे.
