रत्नागिरी : शिवसेना युवासेनेची संगमेश्वर तालुका कार्यकारिणीची बैठक देवरुख येथे युवासेना जिल्हाप्रमुख तुषार साळवी यांच्या अध्यक्षतेखाली पार पडली. यावेळी युवासेनेच्यावतीने राबवण्यात येणार्या विविध कार्यक्रमांचा आढावा घेण्यात आला. संगमेश्वर तालुक्यात युवासेना वाढीबाबत चर्चा करण्यात आली. युवासेनेतर्फे आखण्यात आलेल्या नवीन उपक्रमांमुळे पदाधिकारी व युवा कार्यकर्त्यांमध्ये नवचैतन्य पसरले आहे.
राज्याचे उद्योगमंत्री उदय सामंत, आमदार किरणभैय्या सामंत, युवासेना राज्य कार्यकारिणी कार्याध्यक्ष पूर्वेश सरनाईक, कोकण सचिव विकास गोगावले, राज्य कार्यकारिणी सदस्य अपूर्वा सामंत, शिवसेना जिल्हाप्रमुख राहूल पंडीत यांच्या मार्गदर्शनाखाली युवासेना जिल्हाप्रमुख तुषार साळवी यांच्या उपस्थितीत ही बैठक देवरुख येथे पार पडली. युवासेनेच्या शाखा ग्रामीण व देवरुख शहरामध्ये उघडण्याबाबत चर्चा करण्यात आली. ग्रामीण भागात युवासेना पदाधिकार्यांच्या नियुक्त्यांबाबतही विचारविनिमय करण्यात आला.
यावेळी माजी जि.प. अध्यक्ष रोहन बने, प्रसाद सावंत, सचिन मांगले, बाळा माने, लक्ष्मण कदम, वैभव पवार, युवासेना संगमेश्वर तालुकाप्रमुख प्रसाद अपंडकर, युवासेना देवरुख शहरप्रमुख अर्जुन रेवणे, अमोल गायकर आदी उपस्थित होते.
