रत्नागिरीत पिलणकर परिवाराच्या घरी बाप्पाचे आगमन; काजरघाटी गावात भक्तिमय वातावरण
रत्नागिरी : कोकणात गणेशोत्सवाचा उत्साह नेहमीच शिगेला पोहोचलेला असतो. अशाच मांगल्याच्या वातावरणात रत्नागिरीमधील काजरघाटी गावातील कोमल पिलणकर आणि दुर्गेश पिलणकर यांच्या निवासस्थानी बाप्पाचे मोठ्या भक्तीभावात आणि उत्साहात आगमन झाले आहे. यानिमित्त पिलणकर परिवारामध्ये आनंदाचे व चैतन्यमय वातावरण पाहायला मिळत आहे.
प्रसिद्ध मूर्तिकार वामन सुवारे यांनी अत्यंत आकर्षक आणि देखणी मूर्ती साकारली असून, बाप्पाचे हे मनमोहक रूप पाहणाऱ्यांचे डोळे दीपवून टाकणारे आहे. विशेष म्हणजे, बाप्पाच्या या मूर्तीला साजेसी अशी सुंदर आणि कलात्मक सजावट चंदना पिलणकर यांनी केली आहे. त्यांच्या कल्पकतेतून साकारलेली सजावट घराच्या सौंदर्यात भर घालत असून बाप्पाचा दरबार अतिशय लोभसवाणा दिसत आहे.
कोमल पिलणकर, दुर्गेश पिलणकर आणि समस्त पिलणकर परिवाराच्या वतीने बाप्पाच्या उत्सवाची ही जय्यत तयारी करण्यात आली आहे. कोकणातील समृद्ध सांस्कृतिक परंपरा आणि घरगुती गणेशोत्सवाची गोडी या निमित्ताने पुन्हा एकदा अनुभवायला मिळत आहे. बाप्पाच्या चरणी पिलणकर कुटुंबाने सुख, समृद्धी आणि आरोग्यासाठी प्रार्थना केली असून संपूर्ण गावातून बाप्पाच्या दर्शनासाठी भाविक येत आहेत.
