गोवा विद्यापीठात २४ फेब्रुवारी रोजी राष्ट्रीय सागरी मच्छीमार संवाद

गोवा : वर्ल्ड ओशन सायन्स काँग्रेस (डब्ल्यूओएससी २०२६) अंतर्गत सागरी मच्छीमार, वैज्ञानिक, धोरणकर्ते आणि तंत्रज्ञान तज्ञ यांना एकत्र आणणारा महत्त्वपूर्ण “सागरी मच्छीमार संवाद व संशोधन-ते-अंमलबजावणी” कार्यक्रम २४ फेब्रुवारी रोजी गोवा विद्यापीठ येथे आयोजित करण्यात आला आहे.

या कार्यक्रमात INCOIS, Reliance Foundation, VIBHA तसेच गोवा मत्स्य विभागाचे वरिष्ठ अधिकारी आणि विविध राज्यांतील मच्छीमार प्रतिनिधी सहभागी होणार आहेत.

कार्यक्रमाचे उद्घाटन गोवा सरकारचे मत्स्य, पशुसंवर्धन व पशुवैद्यकीय सेवा मंत्री निळकंठ हलरणकर यांच्या हस्ते होणार असून, एआय-आधारित “माछली ॲपचे”चे उद्घाटन आणि “फ्रॉम सी व्हॉईसेस टू सायन्स सिस्टिम्स भारताचा राष्ट्रीय सागरी जोखीम गुप्तवार्ता संक्षिप्त अहवाल २०२६” या महत्त्वपूर्ण प्रकाशनाचे अनावरणही यावेळी करण्यात येणार आहे.

या बैठकीत महाराष्ट्र, गोवा, तामिळनाडू, आंध्र प्रदेश, ओडिशा आणि पश्चिम बंगाल येथील मच्छीमार प्रतिनिधींच्या सहभागातून सागरी सुरक्षितता, उपजीविका, तंत्रज्ञान, हवामान जोखीम आणि संशोधन-आधारित उपाययोजनांवर सखोल चर्चा होणार आहे.

सागरी क्षेत्रातील धोरण निर्मिती आणि संशोधनाला प्रत्यक्ष मच्छीमारांच्या अनुभवांची जोड देण्याचा हा एक महत्त्वपूर्ण प्रयत्न मानला जात आहे.