ठाकरे सेनेचे तालुकाप्रमुख शेखर घोसाळे यांचा जिल्हा परिषद गटनिहाय गावभेट दौरा

रत्नागिरी : शिवसेना उद्धव बाळासाहेब ठाकरे पक्षाचे रत्नागिरी तालुकाप्रमुख शेखर घोसाळे यांनी जिल्हा परिषद गटनिहाय दौऱ्याला प्रारंभ केला असून, या दौऱ्यात ते प्रत्येक गावातील प्रमुख पदाधिकारी व कार्यकर्ते यांच्या निवासस्थानी भेट देऊन संघटना मजबूत करण्यासंदर्भात चर्चा करत आहेत.

आठ दिवसांपासून पावस जिल्हा परिषद गटातील गावखडी, पूर्णगड, मेर्वी, शिवार आंबेरे, गावडे आंबेरे, डोर्ले, पावस, नाखरे गावांमध्ये भेटी दिल्या आहेत. यावेळी तालुका संघटक सुभाष पावसकर, युवासेना तालुकाधिकारी व शहर संघटक प्रसाद सावंत, विभाग प्रमुख किरण तोडणकर, मयुरेश्वर पाटील उपस्थित होते.