लोकमान्य बाळ गंगाधर टिळक शासकीय औद्योगिक प्रशिक्षण संस्थेत २१ मे पासून प्रवेश प्रक्रिया
रत्नागिरी : शासकीय औद्योगिक प्रशिक्षण संस्थामधील प्रवेश प्रक्रिया २१ मेपासून सुरू करण्यात आली असून इच्छुक उमेदवारांनी http://admission.dvet.gov.in या संकेतस्थळावर जाऊन २१ मेपासून ऑनलाईन पध्दतीने प्रवेश अर्ज सादर करावेत.
औद्योगिक प्रशिक्षण संस्थामध्ये प्रवेश घेण्यासाठी तयार करण्यात आलेल्या प्रमाणित कार्यपध्दतीची माहिती पुस्तिका ऑनलाईन स्वरूपात वरील संकेतस्थळावर उपलब्ध करून देण्यात आलेली आहे. अर्ज नोंदवून झाल्यानंतर उमेदवारांनी नजीकच्या औद्योगिक प्रशिक्षण संस्थेमध्ये जाऊन आपला अर्ज निश्चित करावा व त्यानंतर विकल्प सादर करावेत. प्रवेश प्रक्रिया २०२६ च्या विविध टप्यांबाबत औद्योगिक प्रशिक्षण संस्थेमध्ये समुपदेशन करण्यात येत आहे. यामध्ये उमेदवारांना विविध व्यवसाय अभ्यासक्रमांची परिपूर्ण माहिती देण्यात येईल. त्याअनुषंगाने इयत्ता दहावी उत्तीर्ण व अनुत्तीर्ण विद्यार्थ्यांना आवाहन करण्यात येते की, व्यवसाय शिक्षण पूर्ण करून त्वरीत रोजगार स्वयंरोजगार अथवा उच्च शिक्षणाच्या संधी प्राप्त होण्यासाठी शासकीय औद्योगिक प्रशिक्षण संस्थामध्ये प्रवेश घ्यावेत.
लोकमान्य बाळ गंगाधर टिळक शासकीय औद्योगिक प्रशिक्षण संस्था, रत्नागिरी येथे एक वर्ष कालावधी अभ्यासक्रमाचे अनुक्रमे डिझेल मेकॅनिक (प्रवेश क्षमता ४८), वेल्डर (प्रवेश क्षमता ४०), वुडवर्क टेक्निशियन (प्रवेश क्षमता २४), कॉम्प्युटर ऑपरेटर अँड प्रोग्रामिंग असिस्टंट (प्रवेश क्षमता ४८), इंटिरिअर डिझाईन डेकोरेशन (प्रवेश क्षमता ४८), पंप ऑपरेटर कम मेकॅनिक (प्रवेश क्षमता ४०), सुईंग टेक्नॉलॉजी (प्रवेश क्षमता २०), फूड प्रोडक्शन जनरल (प्रवेश क्षमता २४), डेस्कटॉप पब्लीशिंग ऑपरेटर DTPO (प्रवेश क्षमता ४८) आदी व्यवसाय असून यामध्ये सुईंग टेक्नॉलॉजी, वेल्डर, वुडवर्क टेक्निशियन या व्यवसाय अभ्यासक्रमांकरिता शैक्षणिक पात्रता इयता दहावी उत्तीर्ण/अनुउत्तीर्ण अशी आहे. इतर एक वर्ष कालावधी व्यवसाय अभ्यासक्रमांकरीता शैक्षणिक पात्रता इयत्ता दहावी उत्तीर्ण अशी आहे.
दोन वर्ष कालावधी अभ्यासक्रमाचे अनुक्रमे इलेक्ट्रिशियन विजतंत्री (प्रवेश क्षमता २०), मेकॅनिक मोटार व्हेईकल (प्रवेश क्षमता ४८), रेफ्रिजरेशन अँड एअरकंडिशनर टेक्निशियन (प्रवेश क्षमता २४), ड्राफ्टसमन सिव्हिल (प्रवेश क्षमता २४), ड्राफ्टसमन मेकॅनिक (प्रवेश क्षमता २०), फिटर (प्रवेश क्षमता ४०), टर्नर (प्रवेश क्षमता ४०), मशिनिस्ट (प्रवेश क्षमता ४०), मशिनिस्ट ग्राईंडर (प्रवेश क्षमता २०), वायरमन (प्रवेश क्षमता २०), आयसीटीएसएम (प्रवेश क्षमता २४), एमएमटीएम (प्रवेश क्षमता २४), इत्यादी व्यवसाय असुन यामध्ये वायरमन या व्यवसाय अभ्यासक्रमासाठी शैक्षणिक पात्रता इयत्ता दहावी उत्तीर्ण/अनुउत्तीर्ण अशी आहे. व इतर दोन वर्ष कालावधी व्यवसाय अभ्यासक्रमांसाठी शैक्षणिक पात्रता दहावी उत्तीर्ण अशी आहे.
लोकमान्य बाळ गंगाधर टिळक शासकीय औद्योगिक प्रशिक्षण संस्था येथे प्रवेश प्रक्रियेच्या अधिक माहितीसाठी सी. आर. शिंदे, गटनिदेशक (९९६७७७५३१७), श्रीमती. व्ही. पी. पांचाळ, गटनिदेशक (९०७५५८७६०६), श्रीमती. एस. यु. जाधव गटनिदेशक, (९४२००५१२०) यांना संपर्क साधावा.
