स्व. बाळासाहेब ठाकरे यांच्या पुण्यतिथीनिमित्त आदरांजली कार्यक्रम

रत्नागिरी : लाखो शिवसैनिकांचे दैवत हिंदूहृदयसम्राट शिवसेनाप्रमुख स्वर्गीय बाळासाहेब ठाकरे यांच्या पुण्यतिथीनिमित्त उद्या (१७ नोव्हेंबर) बाळासाहेबांच्या प्रतिमेला पुष्पहार अर्पण करून आदरांजली वाहण्यात येणार आहे. तसेच या दिनाचे औचित्य साधत शिवसेना पक्ष व महाविकास आघाडीच्या वतीने नगराध्यक्ष व नगरसेवक यांचे उमेदवारी अर्ज दाखल केले जाणार आहेत.

उद्या सकाळी १०  वाजता शिवसेना शाखा साळवी स्टॉप, तसेच १०.३० वाजता शिवसेना नेते सचिव तथा रत्नागिरी-सिंधुदुर्ग लोकसभा मतदारसंघाचे माजी खासदार विनायक राऊत यांच्या संपर्क कार्यालयात स्व. बाळासाहेब ठाकरे यांना आदरांजली वाहण्यात येणार आहे.

त्यानंतर सकाळी ११ वाजता रत्नागिरी नगरपालिका निवडणुकीसाठी शिवसेना उद्धव  बाळासाहेब ठाकरे पक्ष व महाविकास आघाडीच्या वतीने नगराध्यक्ष व नगरसेवक यांचे उमेदवारी अर्ज दाखल केले जाणार आहेत.

रत्नागिरी तालुक्यातील व शहरातील ठाकरे शिवसेनेच्या सर्व प्रमुख पदाधिकारी, आजी-माजी लोकप्रतिनिधी, अंगीकृत सर्व संघटना शिवसैनिकांनी नियोजित वेळेत मोठ्या संख्येने उपस्थित रहावे, असे आवाहन तालुकाप्रमुख शेखर घोसाळे, शहरप्रमुख प्रशांत साळुंखे आणि युवासेना जिल्हाप्रमुख प्रसाद सावंत यांनी केले आहे.