केंद्रीय विद्यालय नाचणे येथे इयत्ता पहिली ते पाचवीसाठी प्रवेश प्रक्रिया सुरू; ३ सप्टेंबरपासून अर्ज उपलब्ध

रत्नागिरी : केंद्रीय विद्यालय नाचणे, रत्नागिरी येथे शैक्षणिक वर्ष २०२६-२७ साठी इयत्ता पहिली ते पाचवीच्या वर्गांमधील प्रवेश प्रक्रिया जाहीर करण्यात आली आहे. हे प्रवेश सर्व प्रवर्गांतील विद्यार्थ्यांसाठी खुले असून संपूर्ण नोंदणी प्रक्रिया ऑफलाइन (Offline) पद्धतीने राबवली जाणार आहे.

प्रवेशासाठीचे अधिकृत नोंदणी अर्ज शाळेच्या कार्यालयात प्रत्यक्ष उपलब्ध करून दिले जाणार असून, इच्छुकांनी विहित मुदतीत अर्ज भरून सादर करण्याचे आवाहन करण्यात आले आहे.

गुरुवारपासून (३ सप्टेंबर) अर्ज वाटप व नोंदणी सुरू होणार असून, १५ सप्टेंबर अर्ज भरून जमा करण्याची अंतिम तारीख असेल. अर्ज मिळण्याची व जमा करण्याची वेळ सोमवार ते शनिवार सकाळी ९ ते दुपारी २ अशी आहे.

इयत्तानिहाय आवश्यक वयोमर्यादा (३१ मार्च २०२६ रोजी) : इयत्ता पहिली : ६ ते ८ वर्षे

इयत्ता दुसरी : ७ ते ९ वर्षे

इयत्ता तिसरी : ८ ते १० वर्षे

इयत्ता चौथी : ९ ते ११ वर्षे

इयत्ता पाचवी : १० ते १२ वर्षे

शाळेचा पत्ता व संपर्क तपशील – पत्ता : केंद्रीय विद्यालय नाचणे, लोकमान्य टिळक नगर परिषद शाळा नंबर २, रत्नागिरी – ४१५६३९

संपर्क / दूरध्वनी: ०२३५२-२५३६५४

अधिकृत संकेतस्थळ: www.kvsangathan.nic.in

प्रवेशविषयक सविस्तर मार्गदर्शक सूचना व अधिक माहितीसाठी पालकांनी शाळेच्या कार्यालयाशी संपर्क साधावा अथवा दिलेल्या संकेतस्थळाला भेट द्यावी.